काठमाण्डौ – नेपाल विद्युत प्राधिकरणको संचालक समितिका ३ जना सदस्यले स्पष्टीकरण बुझ्न नमानेपछि उर्जा मन्त्रालयले उनीहरुको नाममा सार्बजनिक सुचना जारी गर्दै ७ दिन भित्र स्पष्टीकरण दिन निर्देशन दिएको छ  । 

मन्त्रालयले सञ्चालकहरु मनोज कुमार मिश्र, लक्ष्मण प्रसाद अग्रवाल र सुरज लामिछानेलाई मन्त्रालयले मङ्सिर १७ गते नै स्पष्टीकरणको लागि पत्र काटेको थियो । तर उनीहरुले पत्र नबुझेको, घर र कार्यालयमा जाँदा उपलब्ध नभएको र उनीहरुको परिवारले पनि बुझ्न इन्कार गरेको मन्त्रालयले जनाएको छ  । 

 स्पष्टीकरण बुझ्न असहयोग गरेपछि मन्त्रालयले गोरखापत्रमा सार्बजनिक सूचना जारी गरेर ७ दिन भित्र प्रष्टिकरण बुझाउन निर्देशन दिएको हो ।  

 उनीहरुमाथि नेपाल विद्युत प्राधिकरणको सुधार अभियानमा असहयोग गरेको, अनाधिकृत रुपमा बैठक बसेको, प्राधिकरणका निर्देशक कुलमान घिसिंग बिरुद्द अनाबश्यक प्रचारबाजी गर्दै सर्बसाधारणमा भ्रम पैदा गरेको आरोप लागेको छ । 

सात दिन भित्र जवाफ नदिए वा दिए पनि चित्त बुझ्दो नभए मन्त्रालयले उनीहरुलाई बर्खास्त गर्ने सक्नेछ ।