काठमाडौँ – संविधान संशोधन विद्येयक सदनमा दर्ता गरेपछि प्रमुख प्रतिपक्ष एमालेद्धारा त्यसको विरोध भइरहेका बेला प्रधानमन्त्री पुष्पकमल दाहाल प्रचण्डले आयोजना गरेको पत्रकार सम्मेलन स्थगित भएको छ ।

सरकारी निवास बालुवाटारमा दिउँसो २ बजेका लागि आयोजना गरिएको पत्रकार सम्मेलन स्थगित भएको प्रधानमन्त्रीका प्रेस सल्लाहकार गोविन्द आचार्यले जानकारी दिएका छन् ।

संविधान संशोधन र स्थानीय निकायको निर्वाचनको विषयमा सरकारको धारणा सार्वजनिक गर्न पत्रकार सम्मेलन आयोजना गरिएको थियो । जसबारे बिहीबार बिहानै पत्रकारलाई जानकारी गराइएको थियो ।

आचार्यका अनुसार दिउँसो १ बजे संसद बैठक बस्ने भएकाले आकस्मिक रुपमा पत्रकार सम्मेलन स्थगित गरिएको हो । काठमाण्डु टुडेसँग कुरा गर्दै उनले भने, ‘आज दिउँसो १ बजे लोकमानसिंह कार्कीविरुद्ध दर्ता भएको अभियोगबारे संसद बैठकमा छलफल हुने कार्यसूची रहेकाले पत्रकार सम्मेलन स्थगित गरिएको हो ।’