महत्त्वका साथ हेरिएको आइतबारको कारोबारमा बजार परिसूचक कारोबार सुरु भएको पहिलो एक घण्टामा ४८।८८ अंकले घटेपछि सर्किट ब्रेक लागेको छ।

कारोबार सुरु भएको कारोब ४८ मिनेटमा ४८ अंक अर्थात ३ प्रतिशतले बजार ओरालो लागेपछि आइतबारको कारोबार १५ मिनेटका लागि बन्द भएको छ। १५ मिनेटपछी खुला हुने कारोबार पुन: १ प्रतिशतले घट्यो भने कारोबार ३० मिनेटका लागि रोक्का हुने छ।

कारोबारको पहिलो ४८ मिनेटमा ८६ कम्पनीका २ लाख ४५ हजार शेयर खारिद बिक्रिबाट १३ करोड रुपैयाँ बराबरको कारोबार भएको थियो। छिल्लो समय नेप्सेमा सुचिकृत भएका कम्पनीहरुको बोनस र हकप्रद शेयर थपिएकाले माग र आपूर्तिबीचको सन्तुलन बिग्रिदा बजार ओरालो लागेको अनुमान गरिएपनि बजार घट्नुको ठोस कारण लगानीकर्ताको मनोबल गिर्नु रहेको बुझिएको छ।

गत साताको पहिलो दिनको कारोबारमा समेत नेप्से ४ दशमलब १ प्रतिशतले ओरालो लागेपछी आइतबारको कारोबार डेढ घण्टाको लागि बन्द भएको थियो।