काठमाडौं । राजसंस्थालाई आर्दश मान्ने राष्टिय प्रजातन्त्र पार्टीका अध्यक्ष कमल थापालाई उपप्रधानमन्त्री बनाउने प्रस्ताव गरेका प्रधानमन्त्री पुष्पकमल दाहाल प्रचण्डले शनिवार पूर्वराजा ज्ञानेन्द्र शाहबाट खतरा देखे ।
संविधान संशोधनका बिषयलाई लिएर बसेको माओवादी केन्द्रको पोलिटब्यूरो बैठकमा प्रधानमन्त्री दाहालले पूर्वराजा ज्ञानेन्द्रबाट आफुले खतरा देखेको बताए । उनी भारत र चीन दुवैतिर मुभ भएका छन् र त्यहाँ अध्याँरो कोठामा बसेर ग्राइन्ड डिजाईन गरिरहेका छन, बैठकमा दाहालले भने ज्ञानेन्द्रले प्रतिगामी कदमको सुरुवात गरिसकेका छन्, त्यसलाई परास्त गर्न पनि संविधानलाई सर्वस्वीकार्य बनाउन जरुरी छ ।
पूर्वराजाले भारत र चीन पुगेर उपलब्धि खतरा मार्ने योजना बनाएको दाहालले बताए । उनले भने ज्ञानेन्द्र ठुलो योजनाको तानावाना बुन्दैछन्, यसलाई परास्त गर्न संविधानको स्वीकार्यता बढाउनु पर्छ, र उपलब्धिको रक्षा गर्नु पर्दछ ।
प्रधानमन्त्री दाहालले पूर्वराजा ज्ञानेन्द्रबाट खतरा रहेको बताएपनि राजसंस्थालाई आर्दश मान्ने र संबैधानिक राजतन्त्रको वकालत गर्ने कमल थापालाई आफ्नै नेतृत्वको सरकारमा उपप्रधानमन्त्री बनाउने योजना बनाएका छन् । उनलाई स्थानीय वा परराष्टमन्त्रीसहित उप्रप्रधानमन्त्री बन्न उनले आग्रह गरेका छन् ।
पूर्वराजालाई देखाएर प्रधानमन्त्री दाहालले संविधान सशोधन प्रस्ताव आफ्नो दलबाट पारित गराउन खोजेका थिए । तर प्रदेश नम्वर .५ विभाजन गर्ने प्रधानमन्त्रीको प्रस्तावमा भने माओवादी पार्टीभित्र विवाद भएको छ । अधिकाँस पोलिटब्यूरो सदस्यहरुले प्रदेश नम्वर ५ विभाजित गर्ने प्रस्तावको विरोध गरेको स्रोतले बताएको छ ।
प्रधानमन्त्री दाहाल माओवादी केन्द्रको पोलिटब्यूरो बैठकबाट शनिवार नै पारित गराउन चाहान्थे तर चर्काे आलोचनाका कारण उनी सफल हुन सकेनन् ।
- एस काठमाडौं
