काठमाडौँ – भारतीय सेनामा नेपालीहरुको भर्ती गराउनेमा पाकिस्तानी गुप्तचर सँस्था आई एस आई को हात रहेको आसंका गरिएको छ । गंभिर घटनामा गरिएको यस्तो आसंकाले भारतीय गुप्तचर एजेन्सीमा निकै ठूलो खैलाबैला मच्चिएको छ ।

भारतीय इन्टेलिजेन्स ब्युरो (आई बी ) र मिलिट्री इन्टेलिजेन्स सहित अन्य थुप्रै गुप्तचर एजेन्सीका अधिकारीहरुले एस टी एफ को हातमा परेका एमबी क्लबका कर्मचारी सन्दीप थापा र मिलन थापासंग विहिबार निकै लामो सोधपुछ गरेका थिए । दुबैसंग समुहका मास्टरमाइन्ड प्रकाश थापाका बारेमा जानकारी लिने प्रयास भएको थियो ।

प्रकाश थापाको आई एस आई का उच्च अधिकारीहरुसंग राम्रो र नजिकको सम्बन्ध रहेको वताइएको छ । भारतीय गुप्तचर सुत्रहरुले मास्टर माइन्ड प्रकाश थापा नेपालमा रहेको अनुमान गरेका छन् । लखनउ, देहरादुन र भारतका विभिन्न शहरमा आवत जावत गरिरहने थापा पहिले नेपालको मिलिट्री इन्टेलिजेन्समा रहेको भारतीय एजेन्सीहरुको दावी छ ।

हाल थापा चीन र बंगलादेश वोर्डर एरियामा रहेको समेत भारतीय एजेन्सीहरुले अनुमान गरेका छन् । भारतीय सेनाको गोरखा रेजीमेन्टमा नेपाली मुलका युवकहरुको भर्ति हुने गथ्र्यो । भारतीय गुप्तचर एजेन्सीका अनुसार नेपालबाटै हुने उक्त भर्ती सन २०१३ मा नेपालको वोर्डरबाट आई एस आई ले भारत विरोधी गतिविधिमा तिव्रता दिएपछि उक्त भर्तीमा प्रतिवन्ध लगाइयो र त्यहिबेला देखि प्रकाश थापाले नक्कली दस्तावेज तयार गरि नेपालीहरुलाई भारतीय सेनामा भर्ती गराउन सुरु गरेका थिए ।

उनले करिब २०० नेपालीहरुलाइ भारतीय सेनामा भर्ती गराएको अनुमान छ । त्यसमा अधिकाँश संवेदनशिल सैन्य क्षेत्र तथा नेपाल, चीन र वंगलादेशको वोर्डर क्षेत्रमा तैनाथ शक्ति छ । भारतीय गुप्तचर एजेन्सीहरुको आसंका छ की सबै नेपाली मुलका सुरक्षाकर्मी पाकिस्तानी गुप्तचर एजेन्सी आई एस आई का लागि काम गर्छन । गोप्य, संवेदनशील र राष्ट्र विरोधी सुचनाहरुको आदान–प्रदान गर्छन ।

नक्कली दस्तावेजद्धारा गरिएका भर्तीको रहस्य खुलेपछि सबै नेपाली मुलका फौजीको विवरण संकलन गरिदै छ । प्रकाश थापाले सेनाका अतिरिक्त सरकारी र गैरसरकारी सँस्थानहरुमा पनि हजारौं नेपाली भर्ती गरेको गुप्तचर एजेन्सीहरुको आसंका छ । भारतीय गुप्तचर एजेन्सी यतिवेला नेपालमा सम्पर्क गर्दै प्रकाश थापा र देशमा रहेको उनको नेटवर्क पत्ता लगाउन सक्रिय छन् ।

भारतीय सेनामा नेपालीहरुलाई भर्ना गराउने गिरोहको पहुँच सेनाको रेकर्ड रुमसम्म रहेको खुलासा भएको छ । एस टी एफ द्धारा पक्राउ गरिएका गिरोहका एक सदस्यले पूर्व सैनिकहरुको डिस्चार्ज बुक को कोड पैसा लिएर वताउने गरेको खुलाएका हुन् । त्यस अवैध प्रकृयामा भारतीय सैनिक अधिकारीहरुको समेत मिलेमतो रहेको अनुमान गरिएको छ । अव यस विषयमा भारतीय मिलिट्री इन्टेलीजेन्सले छानविन गर्ने भएको छ ।

स्पेशल टास्क फोर्स (एस टी एफ) ले बुधवार छावनीमा छापा मार्ने क्रममा एम वी क्लवमा काम गर्ने सन्दीप थापा, माया कम्प्युटर कोचिंग सेन्टरका सञ्चालक अनिल श्रीवास्तव र निलमथा निवासी मिलन थापालाइ गिरफ्तार गरेको छ । यस गिरोहले ७ देखी १० लाख रुपैंया लिएर नेपाली नागरिकलाई भारतीय सेनामा भर्ति गराउने गरेको रहस्य खुलेको छ ।

एसटीएफ ले उनीहरुका साथबाट नक्कली मार्कसीट, सेना को डिस्चार्ज वुक लगायतका सामानहरु बरामद गरेको छ । गिरफ्तार भएका मध्य एक जनाले त ५० हजार रुपैंया लिएर पूर्व सैनिकहरुको डिस्चार्ज बुकको कोड वताउने गरेका थिए । यस विषयलाई मिलिट्री इन्टेलिजेन्स व्युरोले गंभिरतापूर्वक लिएको छ ।

डिस्चार्ज वुक पूर्व सैनिकको हातमा हुन्छ र त्यसको पुरा विवरण सेनाको रेकर्ड रुममा मात्रै हुन्छ । दलाल गिरोहको पहुँच सेनाको रेकर्ड रुमसम्म र वाहालवाला अधिकारीसम्म कसरी पुग्यो ? जहाँबाट डिस्चार्ज बुकहरुको डिटेल दलालहरुले जुटाए र त्यसको प्रयोग नेपाली सेनाको भर्तिका वेला गरे । यसमा मिलिट्री इन्टेलिजेन्स तीन छक परेको छ ।

भारतीय सेनामा नेपालीहरुलाई भर्तिका लागि नक्कली प्रमाणपत्र वनाउनेवाला कलेक्ट्रेटका कर्मचारी समीर सिंह, मजहर र पिन्टुको खोजीमा रहेको एस टी एफ ले शुक्रबार दिनभर विभिन्न स्थानमा छापा मारेको छ । समिर सिंह नक्कली दस्ताबेज बनाएर भारतीय सेनामा नेपाली भर्ति गराउने मास्टरमाइन्ड प्रकाश थापाका विश्वासपात्र रहेको भारतीय सञ्चारमाध्यमले जनाएका छन् । समिर सिंहको गिरफ्तारी पछि मात्रै थापाको नेटवर्क बारे अझ थुप्रै महत्वपूर्ण पाटापक्षहरु उजागर हुन सक्ने विश्वास गरिएको छ ।

गिरोहका प्रमुख प्रकाश थापा २६ नोभेम्वरमा लखनउ गएर कैयौं नेपालीहरुलाइ भारतीय सेनामा भर्ति गराउने तयारीमा थिए । एस टी एफ ले लखनउ उनको पुग्ने संभावित स्थान घेराबन्दी गरेपछि थापाको ग्यांगमा खैलाबैला मच्चिएको वताइएको छ । एक्स सर्भिस म्यान को डिस्चार्ज बुकको कोड लिक गरि नेपालीहरुलाई एक्स सर्भिस म्यान वनाउन भूमिका खेल्ने मध्यका एक जी आरसी हवल्दारमाथि छानविन सुरु भएको छ ।

एस टी एफ सुत्रलाई उद्धृत गर्दै ति हवल्दारको संकास्पद भूमिकाबारे सैन्य अधिकारीहरुलाई तुरुन्त पत्र पठाइने भएको छ । यसका अतिरिक्त सेनामा भर्ती नेपालीहरुको छानवीनका लागि भारतीय सेना र गृह विभागका अधिकारीहरुलाई पत्र लेख्ने बिषयमा विचार विमर्श भइरहेको वताइएको छ ।

यसैगरि वुधबार राती एसटीएफ टिमको गिरफ्तारीमा परेका मिलन थापासंग बरामद नेपाली सीमकार्डबाट कल डिटेल निकाल्ने प्रयास भइरहेको वताइएको छ । मिलन थापा गिरोहका मास्टरमाइन्ड प्रकाश थापाका नजिक थिए । दुई वीच अधिकाँश समय संवाद हुन्थ्यो । त्यसैले मिलनको नेपाली सीमकार्डबाट पनि कैयौं रहस्य सामुन्ने आउने अनुमान गरिएको छ ।