काठमाण्डौ -बुधवार नेप्से परिसूचक शून्य दशमलव शून्य १ प्रतिशतले बढेको छ । १ हजार ७ सय २ विन्दुबाट खुलेको बजार २ घण्टाको व्यापारमा शून्य दशमलव २४ अङ्कले बढेर १ हजार ७ सय २ दशमलव १५ विन्दुमा पुगेको हो ।

 यस समयमा होटल समूह, वित्त कम्पनी समूह र बीमा समूहको परिसूचक बढेपछि समग्र नेप्से परिसूचक उकालो लागेको हो । यस व्यापार अवधिमा १ सय १७ कम्पनीको २ हजार ४९ पटकको व्यापारमा रू। ५७ करोड ३२ लाख बराबरको शेयर कारोबार भएको छ ।

होटल समूहको परिसूचक १ दशमलव ३४ प्रतिशत, बीमाको १ दशमलव शून्य ५ प्रतिशत र वित्त कम्पनीको शून्य दशमलव १९ प्रतिशतले बढेको छ । 

त्यसैगरी, जलविद्युत समूहको परिसूचक शून्य दशमलव ९७ प्रतिशत, बैङ्किङ समूहको शून्य दशमलव २ प्रतिशत, विकास बैङ्कको शून्य दशमलव १६ प्रतिशत र ‘अन्य’ समूहको शून्य दशमलव शून्य ८ प्रतिशतले घटेको हो ।