काठमाण्डौ – नेपाली युवा युवती बढ्दो रुपमा वैदेशिक यात्रामा लागि रहेका बेला चार महिना अगाडि फोटोग्राफर रुपचन्द्र महर्जनले खिचेका दुइवटा फोटो यतिखेर सामाजिक सञ्जालमा भाइरल बनेको छ ।ख्याल ठट्टामै खिचिएका तस्बिरहरु यसरी सामाजिक सञ्जलमा भाइरल होला भन्ने उनलाई लागेकै थिएन ।

गोरखा र चितवनको बिचमा पर्ने फिस्लिङ झोलुंगे फुलमा खिचिएको तरकारी बोकेर मोवाइलमा  कुराकानी गरिरहेकी युवतीको तस्विर अहिले १० करोड बढीले हेरिसकेकाछन ।

भारतीय मिडियामा समेत छाएको उक्त तस्विरलाई बीबीसि हिन्दीले समेत महत्वको साथ प्रकाशन गर्यो ।

आखिर को हुन यी तरकारीवाली युबती 

उनी हुन कुशुम श्रेष्ठ । गोरखा स्थायी घर भएकी उनी बाबु चन्द्र नारायण श्रेष्ठ र आमा ज्ञानु श्रेष्ठकी एक्ली छोरी हुन् । उनी ब्यवस्थापन संकायमा कक्षा ११ मा अध्ययनरत कुसुमले फुर्सदको समयमा आफ्ना परिवारलाई सघाउने गरेको गर्द्छिन् ।