काठमाडौं – महोत्तरीको पर्सा देवाडबाट विहिवार राती देखि अपहरणमा परेका युवक शनिवारविहान खैरबनी स्थित हरदी खोला पुलको मुनीमा फेला परेका छन । सशस्त्र र जनपद प्रहरीको टोलीले संयुक्त रुपमा चलाएको सर्च अभियानका क्रममा खोज्दै जाँदा हात र आँखा बाँधेको अवस्थामा ती युवक सकुसल फेला परेका हुन ।

महोतरी सोनमा गाविस २ का ३५ बर्षिय सिकिन्द्र यादव विहिवार राती ९ बजेदेखि वेपत्त भएको जानकारी शुक्रवार विहान प्रहरीमा पुुगेपछी   प्रहरीले उनको खोजी कार्य तिव्र पारेको जिल्ला प्रहरी कार्यालय महोत्तरीका प्रमुख प्रहरी उपरिक्षक जनक भटटराईले बताएका छन ।

पर्सादेवाड २ स्थित ससुराली आएका यादव घरतर्फ आउने क्रममा गौशाला सम्सी सडकखण्डमा पर्ने पर्सा देवाड १ वाट वेपत्ता भएका थिए । उनको अपहरणमा प्रहरीमै कार्यरत एकजनाको संलग्नता भएको स्थानियहरुको आरोप छ ।