फागुन २८ गतेदेखि साना किसान लघुवित्तको १२ हजार ४१५ कित्ता सेयर लिलामीमा आउँदै, यी ठाउँहरुबाट भर्न सकिने

अर्थ सरोकार सम्बाददाता

काठमाडौं । साना किसान विकास लघुवित्त वित्तीय संस्थाले फागुन २८ गतेदेखि १२ हजार ४१५ कित्ता सेयर लिलामी बिक्री खुला गर्ने भएको छ । संस्थाले सर्वसाधारण समूहको ९ हजार ४७ कित्ता र संस्थापक समूहको ३ हजार ३६८ कित्ता सेयर लिलामी बिक्री खुला गर्ने भएको हो । लगानीकर्ताले लिलामी सेयर चैत १३ गतेसम्म भर्न पाउनेछन् ।

लगानीकर्ताले न्यूनतम १०० रुपैयाँलाई आधार मानेर त्यसभन्दा बढी भाउ तोकी बोलकबोल माध्यमबाट आवेदन दिनुपर्नेछ । यसमा बिक्री प्रबन्धक नबिल इन्भेष्टमेन्ट बैंकिङ नक्साल काठमाडौंबाट आवेदन दिन सकिनेछ । यस्तै लगानीकर्ताले लघुवित्तको शाखा कार्यालयहरु विर्तामोड, इटहरी, अत्तरिया, बनेपा, नेपागञ्ज, हेटौडा, बुटवल, गजुरी, पोखरा, बिरेन्द्रनगर र बर्दिबासबाट आवेदन दिन सक्नेछन्।