कर्पोरेट डेभलपमेन्ट बैंक लिमिटेडको वार्षिक साधारणसभा शुक्रबार, कार्यक्षेत्र थप गर्ने एजेन्डासहित यस्ता छन् अन्य एजेन्डा

अर्थ सरोकार सम्बाददाता

काठमाडौं । कर्पोरेट डेभलपमेन्ट बैंकको वार्षिक साधारणसभा शुक्रबार (असार २५ गते) हुने भएको छ । बैंकको सभाप्रधान कार्यालय वीरगञ्ज, पर्सामा बिहान ७ः३५ बजेबाट हुने भएको हो ।

सभमा बैंकको कार्यक्षेत्र बारा, रौतहट, सर्लाही र मोहोत्तरी थप गर्ने एजेन्डा पेस गरिँदैछ भने हाल कायम कार्यक्षेत्र मध्येबाट अर्को प्रदेशमा परेका जिल्लाहरु (मकवानपुर र काभ्रे) लाई हटाउने प्रस्ताव पनि रहेको छ ।

बैंकको प्रबन्धपत्र तथा नियमावली संशोधन गर्ने एजेन्डा पनि छ । बैंकले लाभांश प्रस्ताव भने गरेको छैन । सभामा २०७६/७६ को वार्षिक प्रतिवेदनमा छलफल, नाफा नोक्सानको हिसाब गरी पारित गर्नेलगायतका एजेन्डा रहेका छन् ।

सभाका लागि बैंकले असार ४ गते बुक क्लोज गर्ने निर्णय गरेको छ । असार ३ गतेसम्म कायम सेयरधनीले सभामा भाग लिन पाउनेछन् ।