काभ्रे – काभ्रेमा पछिल्ला दिनहरुमा यौन व्यापार फष्टाएको छ । सदरमुकाम धुलीखेलदेखि बनेपा सहरसम्म, यहाँ सम्मकी भर्खर बिकसित हुँदै गएको भनिएको भकुन्डेबेसीमा पनि खुलेआम यौन व्यापार हुने गरेको छ । धुलीखेलमा बेला बेलामा प्रहरीले होटल तथा लजहरुमा ‘रेड’ हान्ने गरेको भएपनि प्रहरीले उक्त कामलाइ प्राथमिकता नदिंदा अहिले काभ्रेका विभिन्न स्थानमा खुलेआम यौन व्यापार हुन थालेको छ । 

धुलीखेलमा विहानै मैयाँको फोन :

धुलीखेलमा त झन् विहानैदेखिनै शरीरको मोलमोलाई हुने गरेको छ । एकाविहानैदेखि यौनकर्मी तथा तिनका दलालहरु ग्राहकको खोजीमा हिड्ने गरेका छन् । धुलीखेलको मुख्य बजार, बसपार्क लगायतका ठाउँमा दलालहरुको उपस्थिति देखिने गरेको छ धुलीखेल र बनेपा शहरको बिचका केहि ठाउँहरुमा पनि विहानैदेखि दलालहरु सक्रिय हुने गएका छन् । १५ बर्षदेखि  २५ वर्षका यौनकर्मीहरु बजारमा सक्रिय हुने गरेका छन् । 

१००  देखि ५००० रुपैयाँसम्मको ‘डिल’     

काभ्रेको धुलीखेल, बनेपा लगायतका ठाउँहरुमा १०० देखि ५००० हजारसम्मको ‘डिल’ हुने गरेको छ । बनेपा बसपार्क वरपर १०० रुपैयाँदेखि १००० रुपैयाँसम्म शरीरको मोल तोक्नेहरु भेटिन्छन् भने धुलीखेलतिरका यौनकर्मीहरु केहि महंगा हुने गरेका छन् । धुलीखेलका अधिकांस लजहरु यस्तै जोडीले भरिभराउ हुने गरेका छन् । अधिकांस यौनकर्मीहरुका ग्राहक बसका चालक र सहचालक बढी हुने गरेका छन् भने धुलीखेल  घुम्न गएका पर्यटकहरु समेत उनीहरुका ग्रहाक बन्ने गरेका छन् । 

कहाँबाट आउँछन् यौनकर्मी ?

काभ्रेमा यौनकर्म गर्नेहरु कतिपय काभ्रेकै स्थानीय छन् भने कतिपय काभ्रेका बिकट गाउँहरुबाट आउने गरेका छन् ।  काभ्रेका बिकट बस्तीहरुमा रहेको गरिवीका कारण धेरैजस्तो नपढेका महिलाहरु यौन कर्ममा लागेका छन् । भर्खर १५ लागेका किशोरीदेखि २५ नाघेका महिलाहरुसम्म काभ्रेमा यौनकर्ममा लागेको देखिन्छ । बनेपामा भेटिएका यौनकर्मीहरुमध्ये धेरैसँग यौन रोगबारे जानकारी छैन । गर्व निरोधक चक्कीको बढ़ी सेवनले हुने खतरा बारेसमेत उनीहरु जानकार छैनन् । आफुहरुले यस्तो पेशा अंगाल्नुको पछाडी गरिवी नै कारण भएकोले आफुहरसँग यसको विकल्प समेत नरहेको उनीहरुको भनाइ छ ।  

भूकम्पपछी बढे यौनकर्मी :

काभ्रेमा विशेषगरी भूकम्पपछी यौनकर्मीहरुको संख्या बढेको छ । काभ्रेका कतिपय बिकट बस्तीहरुमा भूकम्पले पारेको प्रभावपछी त्यहाँका किशोरीहरु यौन व्यापारमा संलग्न भएका छन् । बनेपा बजारमा भेटिएका यौनकर्मीहरुले गरिवीका कारण आफुहरुले यस्तो पेशामा लाग्ने गरेको बताउँछन् । काभ्रेको बनेपामा भेटिएकी नम्रता तामाङ (नाम परिवर्तन)ले आफु रहरले नभई वाध्यताले यस्तो काम गर्न बनेपा आएको बाताउँछिन । भूकम्पले पूरै गाउँ नै सोतर बनाएपछी आफुहरुसँग अरु केहि विकल्प नभएको उनको गुनासो छ । 

• बनेपाको सपिङ: काठमाडौँभन्दा सस्तो पाइन्छ कपडा र जुत्ता ! कारण यस्तो छ :
• भकुन्डेबेसीमा अचाक्ली बढ्यो जग्गाको भाउ, रोपनीको ३ लाखमा किनेको जग्गा आनाको ३ लाखमा बिक्रि
• सरकारी गाडीबाट ओर्लेर सार्वजनिक स्थलमै धुम्रपान गर्ने यिनी को हुन् ? के यिनलाईचाहिं कानुन लाग्दैन ?
• काभ्रेभन्ज्याङमा प्रहरी चेकपोष्टकै कन्तबिजोग, पालले बेरेको चर्पी, प्रयोग गर्ने अफ्ट्यारो !