• अर्थ सरोकार सम्बाददाता 

चीनको सहयोगमा तीनकुनेमा ‘तीनकुने शान्ति मण्डला’ बन्ने भएको छ । उक्त निर्माणको सबै कामको जिम्मा चीनको छेन्दु नगरपालिकाले गर्ने पक्कापक्की भएको छ ।

छेन्दु नगपालिकाका मेयरले नेपालमा निर्माण हुने कुनै मण्डला निर्माण गर्न सहयोग गर्न इक्षा देखाएपछि उसलाई यो कामको जिम्मा दिएको हो । काम सम्बन्धि आन्य जानकारी लिन नेपालको टोली छिट्टैनै चीन जाने बताइएको छ ।

हाल नक्साङ्कन र निर्माणको लागि करिब एक अर्ब २३ करोड ४६ लाख ७५ हजार खर्च लाग्ने अनुमानित प्रतिवेदनसमेत सार्वजनिक भएको छ  ।

पाँच वर्षभित्र बनाइसक्ने योजना अनुसार  प्रक्रिया सुरुभएको शान्तिमण्डलाको बीच भागमा १६ मि अग्लो बुद्धको विशाल मूर्ति हुने बताइएको छ । सो मण्डलाको संरचना हिन्दू र बौद्ध धर्मलाई समायोजन गरी तयार गर्ने समेत बताइएको छ । मण्डलाको प्रत्येक कुनामा हिन्दू धर्मको प्रतिनिधित्व हुने गरी ब्रह्मा, विष्णु र महेश्वरका मूर्ति समेत राखेर दुइ धर्मको समायोजन गरिने बताइएको छ ।