">
- अर्थ सरोकार सम्बाददाता
काठमाडौँ – नेपाली पूँजी बजारमा फेरी पहिरो जाने क्रम जारी छ । आज पनि पुन: बजारमा पहिरो गएर नेपाली पूँजी बजार १२०० को लाइनमा आएको छ । एक पटक ओरालो लागेको बजार पुन उकालो लागेको छ भने फेरी ओरालो लागेको छ । पछिल्लो समय तरलता अभाव लगायतका विभिन्न कारणहरुले बजार घट्ने क्रम जारी छ । यसैबीच लगानीकर्ताहरु झरेको बजारबाट निकै चिन्तित भएका छन् ।
केहि समयअघि नेपाली बजार १२०० को हाराहारीमा आउने भविष्यवाणी कहिले गरेका थिए । अन्तत : बजारले पनि त्यस्तै संकेत देखाएको छ । बजारमा निरन्तर पहिरो गइरहेको छ भने बजार यसरी घट्नु नियोजित भएको आरोप समेत लागिरहेको छ ।
बजारमा आएको यो पहिरोसंगै लागीकर्ताहरु चिन्तित बनीरहेका बेला केहि लगानीकर्ताहरु भने अझै बजार घट्ने दावी गरिरहेका छन् । यसअघि बजार १२०० मा आउँछ भन्ने भनाइका कारण विवादमा आएका दुर्गा प्रसाद काफ्ले बजार अझै घट्ने दावी गर्छन् ।
यता केहि लगानीकर्ताहरु भने यसरी धेरै दिन बजार नघट्ने र अवको केहि समयमा बजार बढ्ने दावी गर्छन् । अधिकांस लगानीकर्ता भने नियामक निकायलाई दोष दिइरहेका छन् । नेप्से र धीतोपत्र बोर्डको आन्तरीक झगडाका कारण बजारमा असर परेको समेत उनीहरुको भनाइ छ ।
