काठमाडौं- सोमबार (बैसाख ४ गते ) र आगामी शुक्रबार सरकारले सार्वजनिक विदा दिएको छ । राष्ट्रपति विद्यादेवी भण्डारी राष्ट्रपतिको हैसियतमा पहिलो विदेश भ्रमणको लागि भोली सोमबार छिमेकी राष्ट्र भारत प्रस्थान गर्ने र शुक्रबार फर्किने कार्यक्रम रहेकोले प्रस्थान गर्ने र फर्किने दिन विदा दिइएको हो ।

आज अपराहन्न ४ बजेपछि बसेको मन्त्रीपरिषद्को बैठकमा दुवै दिनको विदा संवन्धी प्रस्ताव पास भएको हो। सरकारले यसअघि भारतीय राष्ट्रपति प्रणव मुखर्जी नेपाल भ्रमणमा आएको दिन विदा दिदाँ चर्को आलोचना भएको थियो ।