वाशिङ्टन । ट्रम्प प्रशासन बाहिरिनुभन्दा एकदिन अघि अमेरिकी विदेशमन्त्री माइक पोम्पियोले सिन्जियाङमा उइगरहरुमाथि भएका मानवअधिकार उल्लंघनका गतिविधिहरु नरसंहार भएको घोषणा गरेका छन् । चीनले सिन्जियाङका अल्पसंख्यक उइगर मुस्लिमहरुलाई नियन्त्रणमा लिएर हिरासतमा राख्ने, जबरजस्ती श्रम गराउने, बाँझोपन गराउने, यातना दिने गरिरहेका छन् । चीनको यस्तो गतिविधलाई अमेरिकाले मावतामाथिको अपराध र नरसंहार भएको घोषणा गरेका छन् ।
चिनियाँ कम्युनिस्ट पार्टीको मानवअधिकाविरुद्धको अपराधलाई ‘नरसंहार’ घोषणा गर्ने पहिलो मुलुक हो । सन् २०१७ देखि चीनले सिन्जियाङमा उइगरहरुलाई नियन्त्रणमा लिने अभियान थालेको हो । अमेरिकाले चिनियाँ कम्युनिस्ट पार्टीले दिएका निर्देशनहरु, हिरासतमा परेकाहरुको बयान, त्यहाँका मानिसहरुलाई जबरजस्ती श्रम लगाएर उत्पादित सामग्रीहरुको सस्तो मूल्यमा बिक्री र विभिन्न प्रतिवेदनले निकालेको निष्कर्षलाई अध्ययन गरिसकेपछि यस्तो निर्णय गरेको अमेरिकाले जनाएको छ ।
चीनले धार्मिक र सांस्कृतिक सफायाका लागि यस्तो नरसंहार गरिरहेको र यसलाई तत्काल रोक्नुपर्ने अमेरिकी विदेशमन्त्री पोम्पिओको ठहर थियो । चीनको हिरासतमा १० लाखभन्दा बढी उइगरहरु रहेको तथ्यांकहरु सार्वजनिक भएका छन् । उनीहरुलाई जबरजस्ती बाँझोपन गराउने, पक्राउ परेकाहरुलाई यातना दिने, जबरजस्ती श्रम गराउने, धार्मिक स्वतन्त्रता, अभिव्यक्ति स्वतन्त्रता र आन्दोलनको स्वतन्त्रतामा प्रतिबन्ध लगाउनेलगाउतका गतिविधिहरु गरिरहेका छन् । जर्मनीमा एडोल्फ हिटलरले यहुदीहरुको नरसंहार गरेजस्तै गरी अहिले चीनमा पनि उइगरहरुको नरसंहारको गरिरहेको छ ।
