×

Live on

रेडियो अर्थ सरोकार

Listen to live radio.

देश बोल्ने फोटो कथा : लकडाउनपछि सुनसान देखियो नेपालगञ्ज बजार, चैते धान गोडमेल गर्दै कैलालीका एक किसान

GLOBAL IME BANK

देश बोल्ने फोटो कथा : लकडाउनपछि सुनसान देखियो नेपालगञ्ज बजार, चैते धान गोडमेल गर्दै कैलालीका एक किसान

९ बैशाख २०७८, बिहीबार

पढ्न लाग्ने समय: १ मिनेटभन्दा कम

  • अर्थ सरोकार सम्बाददाता
काठमाडौं । देशभर विभिन्न घटना घट्छन् । केहि सामान्य समाचारका विषय हुन्छन्, केहि समाचारले असामान्य कम्पन पैदा गरिदिन्छन् । केहि तस्विर फगत तस्विरमात्र हुन्छन् भने केहि तस्विरले देश बोल्दछन् । हामी हरेक दिन सातै प्रदेशका त्यस्ता तस्विरहरुलाई प्रकाशन गर्छौँ, जसले देश र जनताको आर्थिक स्थिति प्रतिनिधित्व गर्छ । समसामयिक विषयमा राज्यलाई खबरदारी गर्छ र जनताको जीवन बोल्छ । आज कुन कुन ठाउँमा के के भयो ? यी दृश्यहरु आफैं बोलिरहेछन् । आजको अंकमा हामीले कोभिड-१९ को रोकथामका लागि जारी बन्दाबन्दीमा  सुनसान  देखिएको नेपालगञ्जदेखि कैलालीको भजनीमा  चैते धान गोडमेल गर्दै एक किसानसम्मका दृश्यलाई फोटोमा समेटेका छौं ।
हेरौं फोटो समाचारः
कोभिड-१९ को रोकथामका लागि जारी  बन्दाबन्दीमा सुनसान  देखिएको नेपालगञ्ज । 
कैलालीको भजनीका किसान चैते धान गोडमेल गर्दै । भजनी क्षेत्रका किसानले वर्षातमा डुबान र बाढी आउने भएकाले चैते धान खेती गर्ने गरेका छन् । आजभोलि गोडमेल गरिने धान जेठ र असारमा काट्न तयार हुन्छ । 
हाते ट्रयाक्टर चलाउने प्रविधिबारे कृषकलाई स्थलगत जानकारी दिँदै रामपुर नगरपालिकाका कृषि शाखा प्रमुख रामहरि पाण्डेय । हिजोआज  नगरपालिकाले अनुदानमा हाते ट्रयाक्टर  वितरण गर्न थालेपछि यसको प्रयोग गर्ने कृषक बढ्दै गएका छन् ।
म्याग्दीको धवलागिरि गाउँपालिका–७ स्थित ताकमकोत मन्दिरमा प्राण प्रतिष्ठाका लागि बुधबार अन्नपूर्ण र जगन्नाथको मूर्तिलाई रथयात्रा गराइँदै । गत वर्ष पुनःनिर्माण भएको ताकमकोत मन्दिरमा रु १५ लाख खर्चेर निर्माण गरिएको मूर्ति राखिएको छ ।
प्रधानमन्त्री एवं नेकपा (एमाले) का अध्यक्ष केपी शर्मा ओली र वरिष्ठ नेता माधवकुमार नेपालबीच बिहीबार भएको भेटवार्ताको क्रममा नागपोखरीस्थित एक होटलबाट निर्माण सम्पन्न हुँदै गरेको धरहराको टावर नियाल्दै नेताद्वय । 
विश्व पृथ्वी दिवसका अवसरमा बिहीबार मनाङ पुग्नुभएका महानायक राजेश हमाल  नासो गाउँपालिका– १ स्थित तालगाउँमा निर्माणाधीन पार्कमा धुपी सल्लाको बिरुवा रोप्दै । 
म्याग्दीको धवलागिरि गाउँपालिका–७ ताकममा परम्परागत मौलिक राधाकृष्ण नाच प्रस्तुत गर्दै कलाकार । ताकमकोत मन्दिरमा प्राण प्रतिष्ठाका लागि बुधबार अन्नपूर्ण र जगन्नाथको मूर्ति रथयात्राका क्रममा राधाकृष्ण नाच देखाइएको हो । 
बागलुङको कालिका भगवती मन्दिर परिसरमा बिक्रीका लागि राखिएका स्थानीय कालिगढद्वारा निर्मित घरेलु हातहतियार । 
तनहुँको आँबुखैरेनी गाउँपालिका–६ का अग्निपीडित सन्तबहादुर भुजेलको परिवारलाई त्रिपाल हस्तान्तरण गर्दै गाउँपालिकाका अध्यक्ष गिरबहादुर थापा, उपाध्यक्ष पुष्पादेवी श्रेष्ठ, प्रमुख प्रशासकीय अधिकृत विष्णुप्रसाद पोखरेल । गाउँपालिकाले पीडित परिवारलाई खाद्य पदार्थका साथै  रु २५ हजारसमेत प्रदान गरेको छ ।
Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: