• अर्थ सरोकार सम्बाददाता 

काठमाडौँ । कोरोना महामारीका बेला तेलवालाहरुले खाने तेलमा ब्यापक लुट गरिरहेको पाइएको छ । पछिल्लो समय खाने तेलको भाउ अस्वभाविक रुपमा बढाएर प्रतिलिटर २५० सम्म पुर्याइएको छ । 

६ महिना अघिको तुलनामा अहिले खाने तेलको भाउ लिटरमै १ सयसम्म बढेको पाइएको छ । उपभोक्ता र खुद्रा व्यापारीले अस्वभाविक भनेपनि उद्योगीहरु भने कच्चा पदार्थको मूल्य बढ्दा त्यसको असर तयारी तेलमा परेको बताएका छन् । केहि समयअघि १२० देखि १४० रुपैयाँ प्रतिलिटर पर्ने खाने तेलको मूल्य अहिले लिटरमै २४० देखि २५० सम्म पुगेको खुद्रा व्यापारीको गुनासो छ ।

अहिले बजारमा भटमासको तेलको भाउ २२० रुपैयाँ प्रतिलिटरमा पाउन छाडेको छ ।  यसरी बजारमा तेल बढ्दा सम्बन्धित निकाय भने मौन देखिन्छ । यद्यपी आपुर्ति तथा उपभोक्ता हित संरक्षण विभागले मूल्यका विषयमा अध्ययन पनि थालिएको बताएको छ ।