• अर्थ सरोकार सम्बाददाता

काठमाडौँ । नेपाल धितोपत्र बोर्डको विज्ञप्तिविरुद्ध सर्वोच्च अदालतमा परेको रिटमा आइतबार सुनुवाई भईरहेको छ । बिहान १० बजेदेखि सुरु भएको रिटमा अधिवक्ता रविन बोहजु बहस गर्दैछन् । उनले उक्त विज्ञप्ति बदर गर्न माग गर्दै शुक्रबार सर्वोच्चमा रिट दायर गरेका थिए । 

रिटमाथि आइतबारका लागि पेशी तोकिएको छ । आइतबारका लागि तोकिएको कुल ४६ वटा सूचीमा मुद्दा नम्बर ०७७ WO ११९२ नम्बर रहेको बोर्डविरुद्धको सूची ४४औं स्थानमा रहेको छ । नेपालको संविधानको धारा ४६, १३३ (२) र (३) बमोजिम उत्प्रेषण, परमादेश लगायत अन्य उपयुक्त आदेश जारी गरी पाउँ भनी अधिवक्ता बोहजुले शुक्रबार विहान सर्वोच्चमा रिट दायर गरेका थिए । 

सो रिटमा नेपाल धितोपत्र बोर्ड, नेप्से, अर्थ मन्त्रालय र कानुन न्याय तथा संसदीय व्यवस्था मन्त्रालयलाई समेत विपक्षी बनाइएको थियो । बोर्डको काम कर्तब्य अधिकारभन्दा बाहिरको रहेको र कानुन सम्मत नभएकोले बदर गर्न माग गरिएको छ ।