NABIL AD

अर्थमन्त्रीको अभिव्यक्तिबारे अर्थ सरोकारका सम्पादकको स्पष्टीकरण

GARIMA BANK
  • अर्थ सरोकार सम्बाददाता
लेख्नै पर्ने ठानेर यति लेखें है !
हिजो आइक्यानको कार्यक्रममा बरिष्ट चार्टड एकाउन्टेन्ट टिआर उपाध्यायले सेयर मूल्यका बारेमा आइक्यानले धारणा राख्नुपर्छ भनेपछी अर्थमन्त्री ‘सेयर बजार’को नाम नलिइकन बजारलाई हावा भरिएको आशयको अभिव्यक्ति दिनुभयो । हावा भरिएको, हावा खुस्क्यो भने के हुन्छ वा मलाई यसबारेमा धेरै नबोल्नु भनिएको छ भन्ने उहाँको अभिव्यक्तिले उहाँले भन्न खोज्नुभएको कुरा स्पष्ट हुन्छ । बजार प्यानिक स्थितिमा छ । निकै माथि जानुपर्ने बजार निरन्तर घटिरेहेको छ । यस स्थितिमा अर्थमन्त्रीले यस्तो बोल्नु हुँदैन, बरु लगानीकर्ताका अगाडी आफ्नो भनाई सच्याउनुपर्छ भन्ने असल नियतका साथ हामीले सो भिडियो सार्वजनिक गरेका थियौं । सुरुमा प्रश्न उठ्यो- किन काटेर यति मात्र भिडियो राखेको । उत्तर सहज थियो सेयर बजारका बारेमा उहाँले त्यति नै बोल्नुभएको थियो । त्यो पनि घुमाउरो पारामा । सिएहरुले सो कुरा बुझेर हाँसेका पनि थिए । बजारमा राम्रो उपस्थिति भएका सिएहरुका लागि अर्थमन्त्रीज्युको भनाई काफी थियो । बजारमा थप प्यानिक स्थिति नआओस्, र त्यसका लागि अर्थमन्त्रीले आफुले बोलेको फिर्ता लिनुहोस् भन्ने मेरो पवित्र आशय थियो । तर भईदियो उल्टो । उहाँका कार्यकर्ताहरुले मलाई पो उल्टै गाली गर्न थाले । यो हदसम्मकि मेरो तस्विरको दुरुपयोगसमेत गरिएको छ ।
म आम लगानीकर्ताहरुलाई स्पष्ट भन्न चाहान्छु, मैले सो कुरा सेयर बजारबारे भनेको होइन भनेर अर्थमन्त्रीबाट आओस । त्यसपछि लगानीकर्ता प्यानिक हुँदैनन् । अर्थमन्त्रीबाट सो कुरा आयो भने म आम लगानीकर्ताहरुसँग माफी माग्न पनि तयार छु । तर यो वा त्यो बहानामा बजार प्यानिक बनाइनु हुँदैन भन्ने कुरामा म स्पष्ट छु । केहि दिन यता नै सन्चो छैन । त्यसमाथि आज शनिबार । घरमा आराम गरिरहेको छु । धेरै फोन एसएमएसहरु आइरहेका छन् । एक दुईवटा कल रेस्पोन्स गरेको थिएँ । रेस्पोन्स गर्न पाको छैन । यहि मौका छोपी, मेरो चरित्र हत्या गर्ने गरी केहि साथीहरुले फेक आइडीबाट मेरा बारे गर्नुभएको आपत्तिजनक पोष्टको डिटेल राख्न कानुन व्यवसायीलाई भनिसकेको छु । भोलि साइबर अपराधमा केस गर्नेनै छु ।
फेरी पनि स्पष्ट पार्न चाहान्छु । अर्थमन्त्रीले सेयर बजारबारे सो कुरा भनेको होइन भन्नुभयो भने सबैभन्दा खुसी म नै हुनेछु र माफी माग्नेछु । तर लगानीकर्तालाई प्यानिक बनाउनेगरी उहाँले दिनुभएको अभिव्यक्तिले बजारलाई राम्रो असर पक्कै गर्दैन । अन्तमा: कुनै पार्टिको कार्यकर्ता भएर होइन, लगानीकर्ता भएर सोचिदिनुहोला । यो बजार रहे न हामी रहनेछौं । स्वास्थ्य लाभ लिइरहेको छु, पूरा सन्चो भएपछि थप प्रष्टीकरणसहित आउनेछु ।

 

Jagadamba
MEGA

प्रतिक्रिया दिनुहोस्

सिफारिस:

अर्थ सरोकार डटकममा प्रकाशित समाचार शुभम् मिडियाको लिखित अनुमतिविना कतैपनि सम्प्रेषण गर्न मनाही छ । हामी अनुसन्धानमा विश्वास गर्छौं । र आजका हरेक पाठकहरु खोजमूलक समाचारका प्यासी छन् भन्ने हामीले बुझेका छौं । त्यसैले देशका विभिन्न ठाउँहरुमा हाम्रा इन्भेष्टिगेसन ब्यूरोहरु छन् । तपाईंसँग पनि केहि समाचार छन्, वा हाम्रा समाचारप्रति कुनै टिकाटिप्पणी वा सुझाव भए सिधै ९८५१०१७९१४ वा ०१-५१९९१०८ मा सम्पर्क गर्न सक्नुहुनेछ । वा arthasarokarnews@gmail.com मा ई-मेल गर्न सक्नुहुनेछ । तपाईंको परिचय गोप्य राखिनेछ । अर्थ सरोकार समाचार प्रभाव हेर्न यहाँ क्लिक गर्नुहोस् ।

© Shubham Media Pvt. Ltd. All Rights Reserved 2021.

Artha Sarokar® Trademark Registered. Regd. No. : 047796

Maintained By : Eservices Nepal