काठमाडौं । विवादमा तानिएको सर्वोत्तम सिमेन्ट कम्पनीले फेरि बुक बिल्डिङबाट आइपीओ जारी गर्ने प्रस्तावसहित वार्षिक साधारणसभा डाकेको छ । कम्पनीले सभा माघ ५ गते डाकेको हो । कम्पनीले सभामा बुक बिल्डिङ विधिबाट आइपीओ निष्काशन गर्ने विशेष प्रस्ताव पेश गर्दैछ ।
कम्पनीले आइपीओ निष्कासनका लागि सोहि अनुसार अधिकृत पुँजी, जारी तथा चुक्ता पुँजी परिवर्तन गरी प्रबन्धपत्र तथा नियमावलीमा आवश्यक संशोधन गर्ने प्रस्ताव सभामा पेस गर्ने भएको छ । यस्तै आर्थिक वर्ष २ं०७७/७८ को वार्षिक प्रतिवेदनमाथि छलफल गर्ने एजेन्डा पनि छ । यता रेटिङ एजेन्सी इक्रा नेपालले कम्पनीलाई इक्राएनपी–आइआर त्रिपल बी प्लस रेटिङ प्रदान गरेको छ ।
यसले कम्पनीको अवस्था मध्यम रहेको जनाउछ । कम्पनीले ६० लाख कित्ता आइपीओ निष्काशन गर्न लागेको हो । जसमध्ये ४०% अर्थात् २४ लाख कित्ता योग्य संस्थागत लगानीकर्ताका लागि छुट्याइने कम्पनीले जनाएको छ । बाँकी रहेको ३६ लाख कित्तामध्ये ८ लाख कित्ता स्थानीयबासी, ३ लाख कित्ता कर्मचारी र २५ लाख कित्तामा सर्वसाधारणले आवेदन दिन सक्नेछन् ।
