×

Live on

रेडियो अर्थ सरोकार

Listen to live radio.

रात्रीकालीन उडानमा यात्रुलाई सहज हुने वातावरण बनाउन वायुसेवा सञ्चालक संघको माग

GLOBAL IME BANK
KAMANA SEWA BIKAS BANK

रात्रीकालीन उडानमा यात्रुलाई सहज हुने वातावरण बनाउन वायुसेवा सञ्चालक संघको माग

६ जेष्ठ २०७९, शुक्रबार

पढ्न लाग्ने समय: १ मिनेटभन्दा कम

काठमाडौं । वायुसेवा सञ्चालक संघले रात्रीकालीन उडानमा यात्रुहरुलाई सहज हुने वातावरण बनाउन माग गरेको छ । नेपालमा जेठ १ गते देखि लागू हुने गरी अन्तर्राष्ट्रियविमानस्थल २४ सै घण्टा र आन्तरिक विमानस्थलहरु १८ घण्टा सञ्चालनमा आउने भएका छन् ।

यसबाट करिब १५ प्रतिशत उडानहरु रातको ८ बजेदेखि १२ बजेसम्म सञ्चालन हुनेछ । यस कारण रात्रीकालीन उडानका दौरान गन्तव्य विमानस्थलमा पुग्ने यात्रुलाई समस्या हुने भन्दै वायुसेवा सञ्चालक संघ नेपालले सम्बन्धित जिल्ला प्रशासन कार्यालयसँग समन्वय तथा सहजीकरण गर्न माग गरेको हो ।

विमानस्थलबाट आउजाउका लागि यातायात व्यवसायी तथा होटलसँग आवश्यक सहजता र समन्वयका लागि संघले माग गरेको हो । अहिले काठमाडौंबाट भद्रपुर, विराटनगर, जनकपुर, सिमरा, भैरहवा, नेपालगञ्ज र धनगढी विमानस्थलमा रात्रीकालीन उडान हुन्छ । संघले यी जिल्लाका जिल्ला प्रशासन कार्यालयलाई पत्र लेख्दै यस्तो आह्वान गरेको हो ।

CITIZEN LIFE INSURANCE
Hamro Parto AD

प्रतिक्रिया दिनुहोस्

सिफारिस: