काठमाडौं । भारतका अर्बपति गौतम अडानी विश्वकै सबैभन्दा धेरै सम्पत्ति वृद्धि गर्ने व्यक्ति बनेका छन् । सन् २०२२ मा मात्रै ४७ अर्ब अकेरिकी डलरले आफ्नो सम्पत्ति वृद्धि गर्दै अडानी सम्पत्ति वृद्धि गर्ने पहिलो व्यक्ति बनेका हुन् ।
रियल टाईम बिलिनियरको सूचीमा पनि अडानी तेस्रो नम्बरमा छन् । अडानीको हालको कुल सम्पत्ति १३३.७ बिलियन डलर रहेको छ । उनले सोमबार मात्रै २.४ बिलियन डलर सम्पत्ति बढाएका छन् । अडानी इन्टरप्राइजेजको सेयर भाउ बढेपछि उनको सम्पत्ति पनि बढेको अन्तराष्ट्रिय सञ्चार माध्यमले जनाएका छन् ।
सोही अवधिमा ट्वीटरका सीईओ एलन मस्क भने सबैभन्दा धेरै सम्पत्ति गुमाउनेहरुको सूचीमा प्रथम छन् । उनले सन् २०२२ मा मात्रै १ खर्ब १४ अर्ब अमेरिकी डलर गुमाएका छन् । हाल मस्क विश्वकै धनाढ्यको सुचीमा दोस्रो स्थानमा छन् ।
