काठमाडौँ । स्वतन्त्र सांसद अमरेश कुमार सिंहले काठमाडौँका मेयर बालेन्द्र शाह (बालेन)को घर अगाडि फोहोर थुपार्न भनेका छन् ।

प्रतिनिधि सभाको बैठकमा बोल्दै सांसद सिंहले कवाडी व्यवसायीले शान्तिपूर्ण आन्दोलन गर्दागर्दै पनि महानगरले कवाडी व्यवसायीमाथि लाठी चार्ज गरेर व्यवसायीलाई घाइते बताएको भन्दै सांसद सिंहले काम नभए काठमाडौँ महानगर र बालेन शाहको घर अगाडि लगेर फोहोर थुपार्न भनेको हुन् ।

‘बालेनजि, यहीँको मेयरले सिकाएको छ, काम भएन भने त्यही फोहोर थुपार्ने हो । उहाँले नै सडक विभागको अगाडि फोहोर थुपारेको छ ।’, सांसद सिंहले भने, ‘तमाम कवाडी व्यवसायीलाई आग्रह गर्न चाहन्छु, सबै फोहोर महानगर र बालेन शाहको घरको अगाडि थुपारौँ । त्यसको लागि हामी साथमा छौँ ।’ 

सरकारले काम नगरेको भन्दै सडक विभागको गेट अगाडि फोहोर थुपारेको प्रसङ्ग निकाल्दै सांसद सिंहले महानगरले काम नगरे र अदालतको निर्णय पनि नमाने महानगरको र मेयर शाहको गेट अगाडि लगेर फोहोर थुपार्नुपर्ने बताएका छन् ।