">
काठमाडौं। वैदेशिक रोजगारीका लागि विभिन्न देश पठाईदिने भन्दै रकम ठगी गर्ने तीन जना पक्राउ परेका छन् । पक्राउ पर्नेमा ३९ वर्षीय रूपेश राज गिरी, ४५ वर्षीय राजु ढकाल र २२ वर्षीय युवराज ठाकुर रहेका छन्।
उनीहरुलाई काठमाडौं उपत्यका अपराध अनुसन्धान कार्यलयबाट खटिएको प्रहरी टोलीले पक्राउ गरेको हो।
पक्राउ परेकामध्ये रुपेश राज गिरीले रोमानिया पठाईदिने भन्दै ८ लाख रुपैयाँ, राजु ढकालले दुबई पठाईदिने भन्दै दुई लाख ५० हजार रुपैयाँ र युवराज ठाकुरले पोल्याण्ड पठाईदिने भन्दै ८ लाख रुपैयाँ ठगी गरेका थिए ।
बेरोजगार युवायुवतीलाई आकर्षक तलबको प्रलोभनमा परेर उनीहरुले रकम ठगी गरेको प्रहरीले जनाएको छ।
