काठमाडौँ । सरकारले वास्तविक सुकुमवासीहरूलाई मासिक १५ हजार रुपैयाँ दिने तयारी गरेको छ । सरकारले वास्तविक सुकुमवासीहरूलाई जग्गाधनी प्रमाणपुर्जा (लालपुर्जा) वितरण नगर्दासम्म अस्थायी व्यवस्थापनका लागि मासिक १५ हजार रुपैयाँ घरभाडा उपलब्ध गराउने तयारी गरेको हो ।

बिहीबार प्रतिनिधि सभा अन्तर्गतको राज्य व्यवस्था तथा सुशासन समितिको बैठकमा सरकारी प्रतिनिधिहरूले यस्तो जानकारी गराएका हुन् । उक्त प्रयोजनका लागि आवश्यक स्रोतको सुनिश्चितता समेत भइसकेको छ ।

हाल काठमाडौंका विभिन्न होल्डिङ सेन्टरमा रहेका भूमिहीनहरूको पहिचानका लागि स्क्रिनिङ भइरहेको छ । स्क्रिनिङ सकिएलगत्तै ‘फास्ट ट्रयाक’ बाट लालपूर्जा वितरण गर्ने सरकारले लक्ष्य लिएको छ ।