काठमाडौँ । भारतबाट नेपाल आउँदा ५ सय रुपैयाँसम्मको सामान ल्याउन पाइने भएको छ । बजेटमार्फत सरकारले झिटीगुन्टासम्बन्धी व्यवस्थाअनुसार भारतबाट नेपाल आउँदा ल्याउन पाउने सामानको सीमा बढाएर ५ सय रुपैयाँ पुर्याएको हो । 

योसँगै अब भारतबाट नेपाल आउँदा ५ सय रुपैयाँसम्मको सामान ल्याउन पाइने भएको छ । 

यसअघि सरकारले यस्तो सीमा एक सय रुपैयाँ तोकेको थियो । यसअघि एक सय रुपैयाँभन्दा बढीको सामान ल्याउँदा भन्सार तिर्नुपर्थ्यो तर सरकारले नयाँ आर्थिक विधेयकमार्फत उक्त सीमा संशोधन गर्दै ५ सय रुपैयाँ पुर्याएको छ । 

त्यस्तै, आर्थिक विधेयकमा अध्ययनका लागि भारत गएका विद्यार्थीले साथमा लगेको वा ल्याएको एक थान ल्यापटप, ट्याबलेट वा कम्प्युटरमध्ये कुनै एक थानमा भन्सार महसुल छुट दिने पनि व्यवस्था गरिएको छ ।