कंगो । शान्ति मिसनका लागि कंगो गएका सेनाहरुलाई पाकिस्तानी कर्णेलले उनीहरुको धर्म परिवर्तन गराउन थालेको पाइएको छ । डेमोक्रेटिक रिपब्लिक अफ कंगो पाकिस्तानी सेनाका वरिष्ठ कर्णेलले सेना र मध्य अफ्रिकी देशका अल्पसंख्यकहरुलाई मुस्लिम धर्ममा परिणत गराउन थालेको पाइएको हो ।रिपोर्टका अनुसार कर्णेलले केही क्रिश्चियन युएन मिसनका कर्मचारीहरुसँग सम्पर्क गर्दै उनीहरुलाई इस्लाम मान्न दबाब दिइरहेको पाइएको हो ।
कर्णेल साकीब मुश्ताकी लोकतान्त्रिक गणतन्त्र कंगोमा संयुक्त राष्ट्र संगठनको स्थिरीकरण मिशनको एक आकस्मिक उप कमाण्डर हुन् । उनका गतिविधिबारे आन्तरिक अनुसन्धान सुरु गरिएकोसमेत शान्ति मिसनले जनाएको छ । पाकिस्तान सरकारले भने यस विषयमा कुनै आधिकारिक जानकारी दिएको छ । मिडिया रिपोर्टका अनुसार सन् १९९९ मा संयुक्त राष्ट्र मिसनको आगमनदेखि नै पाकिस्तानी अधिकारीहरूले ‘पूर्वी कंगोमा आफ्नो ब्रान्ड इस्लाम’ लाई सक्रिय रूपमा प्रचार गरेका छन् । पाकिस्तानी टोलीले उत्तरी किवु र इटुरी क्षेत्रमा धेरै मस्जिदहरू निर्माण गरेको छ ।
यो पहिलो पटक होइन, जब पाकिस्तानका संयुक्त राष्ट्रका शान्ति सेनाले उनीहरूको कामका लागि बदनाम गरे । २०१२ मा, दुई पाकिस्तानी शान्ति सेनाले हाइटीमा १४ वर्षे बालिकालाई यौन दुर्व्यवहार गरेको आरोप लगाइएको थियो । हाइटीका एक पाकिस्तानी सैन्य न्यायाधिकरणले उनीहरूलाई सेनाबाट पदमुक्त गर्दै एक वर्षको जेल सजाय सुनाएको छ । यसअघि संयुक्त राष्ट्र संघमा पाकिस्तानका राजदूत मुनिर अकरमले घरेलु हिंसा गरेको आरोप लगाइएको थियो ।
