जम्मु काश्मीर । जम्मु काश्मीरमा आतंकवादी गतिविधिलाई बन्द गर्न सुरक्षाकर्मीले विभिन्न अप्रेसनहरु सञ्चालन गरिरहेको छ । यही अभियानका क्रममा दुई सातामा पाँच अप्रेसन भएका छन् । जम्मू-काश्मिर प्रहरीले शुक्रबार रियासी जिल्लामा अर्को आतंकवादीविरोधी अप्रेसन गरेको दाबी गरेको छ । जसमा लश्कर-ए-तैयबा (एलईटी) को विभिन्न मोड्युल र उसको शट द रेसिस्टेंस फोर्स (टीआरएफ) मा दुई साताको अवधिमा पाँचौं प्रहार गरेको सुरक्षा फौजले जनाएको छ ।
प्रहरी महानिरीक्षक मुकेश सिंहले भने, ‘भरपर्दो सूचनाको आधारमा रेसी जिल्लाको महोर तहसीलको देवलका गुलाम हैदरका छोरा २० वर्षीय मोहम्मद युसुफलाई पक्राउ गरिएको छ । ती व्यक्तिलाई प्रहरी चौकी महोरको टोलीले पक्राउ गरेको थियो । ‘निरन्तर सोधपुछको क्रममा उनले माहोरको अंगराला तल्लो गाउँमा एउटा लुकाइएको हतियार र गोलीहरु राखिएको बयान दिएका थिए । सिंहले भने, ‘उक्त इलाकामा जम्मु काश्मीर प्रहरी र सेनाको संयुक्त खोजी अभियान सुरु गरिएको थियो । जसअन्तर्गत लुकाइछिपाइ राखिएका पाँचवटा ग्रेनेड र एक एमएम पिस्तोल पनि बरामद गरिएको छ ।’
‘यूएपीए को धारा १५, १६, १८, बी, २७, १२० बी, १२१, १२१ ए अन्तर्गत मुद्दा चलाइएको छ । मुद्दाको थप अनुसन्धान सुरु गरिएको छ,’ उनले भने । शुक्रवार आतंकवादी मोड्युललाई डिसेम्बर २८ मा जम्मूमा पर्दाफास गरिएको मोड्युलबीच सम्बन्ध रहेको बताइएको थियो । प्रहरीले मुस्तफा इकबालले सोधपुछको क्रममा मेन्डारको एरीस्थित हिन्दू मन्दिरमा ग्रेनेड फ्याँक्ने काम गरेको स्वीकार गरेका थिए ।
