काठमाडौं । सामुदायिक लघुवित्त वित्तीय संस्थाले चालु आर्थिक वर्षको पहिलो त्रैमासको वित्तीय विवरण सार्वजनिक गरेको छ । कम्पनीले पहिलो त्रैमासमा १ करोड ५ लाख ४१ हजार रुपैयाँ खुद नाफा आर्जन गरेको छ । जुन नाफा गत वर्षकोभन्दा ८४१.१६ प्रतिशतले बढी हो । गत वर्ष यसै अवधिमा भने ११ लाख २० हजार रुपैयाँ मात्र खुद नाफा आर्जन गरेको थियो । यस्तै कम्पनीले १ करोड ५७ लाख ५० हजार रुपैयाँ सञ्चालन नाफा आर्जन गरेको छ ।
गत वर्ष भने कम्पनी ४८ लाख ५४ हजार रुपैयाँ सञ्चालन नोक्सानमा थियो । कम्पनीको निक्षेप संकलन १५.९८ प्रतिशत र कर्जा लगानी १७.२१ प्रतिशत रहेको छ । यसैगरी कम्पनीको रिजर्भ कोषमा ३८.५१ प्रतिशतले वृद्धि भएर ७ करोड ९२ लाख ६९ हजार रुपैयाँ पुगेको छ । कम्पनीको प्रतिसेयर आम्दानी पनि ३ रुपैयाँ ४० पैसाबाट बढेर ३१ रुपैयाँ ९४ पैसा पुगेको छ ।
