काठमाडौं । युनियन हाइड्रोपावरको १५औं वार्षिक साधारणसभा आज मंगलबार हुँदैछ । कम्पनीको सभा केन्द्रीय कार्यालय, धोभीघाट ललितपुरमा बिहान ११ बजेदेखि भर्चुअल माध्यमबाट हुँदैछ । सभामा कम्पनीले आर्थिक वर्ष २०७७–७८ को वार्षिक प्रतिवेदन तथा नाफा नोक्सान हिसाव र नगद प्रवाह विवरणलगायतका वित्तीय विवरणमा छलफल गरी पारित गर्नेछ ।

सभामा प्रबन्ध सञ्चालकको नियुक्त गर्ने एजेन्डा पनि छ । आर्थिक वर्ष २०७८–७९ को लागि लेखापरिक्षक नियुक्त गर्ने एजेन्डा पनि पेश गरिनेछ । सभाका लागि कम्पनीले पुस २१ गते बुक क्लोज गर्ने भएको छ । पुस २० गतेसम्म कायम रहने सेयरधनीले मात्र सभामा भाग लिन सक्नेछन् ।