काठमाडौं । राधी विद्युत कम्पनीले हकप्रद सेयर बिक्री गर्ने भएको छ । कम्पनीले १४७ प्रतिशत हकप्रद सेयर बिक्री गर्ने भएको हो । कम्पनीले उक्त हकप्रद सेयर बिक्री गर्नको लागि धितोपत्र बोर्डसँग अनुमति मागेको छ । कम्पनीले १ः१.४७५२ अनुपातमा ९५ करोड ३५ लाख ७६ हजार ९०० रुपैयाँ बराबरको ९५ लाख ३५ हजार ७६०.९९ हजार कित्ता हकप्रद सेयर बिक्री गर्न अनुमति मागेको हो ।

यसअघि विद्युत नियमन आयोगले पनि राधीलाई हकप्रद सेयर निष्कासन गर्न पूर्व स्वीकृति दिइसकेको छ । आयोगले राधीले माग गरे अनुसार नै हकप्रद निष्कासनका लागि स्वीकृति पाएको हो । अब बोर्डले अनुमति दिएपछि मात्र हकप्रद जारी हुने कम्पनीले जनाएको छ । कम्पनीको हकप्रद सेयर बिक्री प्रबन्धकमा मुक्तिनाथ क्यापिटल रहेको छ ।