काठमाडौं । काठमाडौंबाट नक्कली नोटसहित दुई जना पक्राउ परेका छन् । बिहीबार प्रहरी वृत्त बानेश्वरबाट खटिएको प्रहरी टोलीले ४७ हजार रुपैयाँ नेपाली नक्कली नोटसहित दुई जनालाई पक्राउ गरेको हो ।
पक्राउ पर्नेमा उदयपुरका दिलिप राई र विजय बस्नेत रहेका छन् । उनहरुको साथबाट ४७ हजार नक्कली नेपाली नोट बरामद गरिएको प्रहरीले जनाएको छ । पक्राउ परेको दुवैजनामाथि थप अनुसन्धान भईरहेको प्रहरीले जनाएको छ ।
केहीदिन अघिमात्रै काठमाडौंबाट प्रहरीले ५२ लाख ७५ हजार रुपैयाँ नेपाली नक्कली नोटसहित ९ जनालाई पक्राउ गरेको थियो । पछिल्लो समय बजारमा नक्कली नोटको बिगबिगी बढिरहेको भन्दै प्रहरीले सचेत रहन पनि सबैलाई आग्रह गरेको छ ।
