काठमाडौँ । प्रमुख प्रतिपक्ष दल नेपाली कांग्रेसका सांसदहरुले नारावाजी गरेपछि प्रतिनिधि सभाको बैठकमा सोमबार पनि अवरुद्ध भएको छ । 

बैठक सुरु हुनेबित्तिकै विपक्षी दलका सांसदहरुले चर्को नाराबाजी गरेपछि संसद् बैठक १५ मिनेटका लागि स्थगित भएको हो । 

सोमबारको प्रतिनिधिसभाको बैठकमा प्रधानमन्त्री पुष्पकमल दाहाल प्रचण्डले विश्वासको मत लिन कार्यसूची रहेको थियो । तर, कांग्रेसले उपप्रधान एवं गृहमन्त्री रवि लामिछानमाथिको संसदीय छानबिन समिति बनाउनुपर्ने अडान राख्दै नाराबाजी गरेपछि बैठक स्थगित भएको हो । 

स्थगित भएको बैठक १५ मिनेटपछि पुनः सुचारु हुने सभामुख देवराज घिमिरेले बताएका छन् ।