काठमाडौँ । मेरो माइक्रोफाइनान्स लघुवित्त वित्तीय संस्थाले लाभांश वितरण गर्ने घोषणा गरेको छ । लघुवित्तको पुस ८ गते बसेको सञ्चालक समितिको बैठकले गत आर्थिक वर्षको नाफाबाट ५ प्रतिशत लाभांश वितरण गर्ने घोषणा गरेको हो । 

लघुवित्तले घोषणा गरेको ५ प्रतिशत लाभांशमध्ये ४.७५ बोनस सेयर छ भने कर प्रयोजनका लागि ०.२५ प्रतिशत नगद लाभांश रहेको छ । 

लाभांश घोषणासँगै लघुवित्तले गत आर्थिक वर्षको नाफाबाट ७ करोड ९ लाख ५० हजार रुपैयाँ बराबरको लाभांश सेयरधनीलाई वितरण गर्ने भएको छ ।

तर, उक्त लाभांश राष्ट्र बैंकको स्वीकृति र आगामी वार्षिक साधारण सभाले पारित गरेपछि वितरण गरिनेछ ।