काठमाडौँ । इटालीले अमेरिकी प्रविधि कम्पनी एप्पललाई १६ अर्ब बढी जरिवाना तिराउने भएको छ । युरोपेली मुलुक इटालीको प्रतिस्पर्धा प्राधिकरण (एजीसीएम) ले एप्पलाई ९८ मिलियन युरो (करिब १६ अर्ब ५६ करोड रुपैयाँ) जरिवाना तिराउने आदेश दिएको हो । 

स्मार्टफोन एप बजारमा आफ्नो प्रभुत्वशाली हैसियतको दुरुपयोग गरेको ठहर गर्दै एजीसीएमले सो रकम बराबरको जरिवाना गर्ने आदेश दिएको अन्तराष्ट्रिय सञ्चारमाध्यमहरुले जनाएका छन् ।

अन्तराष्ट्रिय सञ्चार माध्यमहरुका अनुसार एप्पलले आफ्नो एम स्टोरमार्फत थर्ड पार्टी एप डेभलपर्समाथि पूर्ण नियन्त्रण कायम राख्दै त्यसको गलत फाइदा उठाएको प्राधिकरणले ठहर गरेको छ । सोही कारण एप्पललाई १६ अर्ब ५६ करोड रुपैयाँ जरिवाना गराउन प्राधिकरणले आदेश दिएको छ । 

सन् २०२३ को मेदेखि अनुसन्धान सुरु गरेको प्राधिकरणले सन् २०२१ को अप्रिलदेखि एप्पलले थर्ड पार्टी एप निर्मातामाथि अत्यन्त कडा गोपनीयता नीति लागू गरेर अनुचित रुपमा दबाब दिएको निष्कर्ष निकालेको छ ।