काठमाडौँ । बुटवल पावर कम्पनी लिमिटेडको नाफा बढेको छ । कम्पनीले सार्वजनिक गरेको अपरिस्कृत वित्तीय विवरण अनुसार कम्पनीको नाफा बढेको देखिएको हो ।

समिक्षा अवधिमा कम्पनीले २२ करोड ५३ लाख रुपैयाँ खुद नाफा आर्जन गरेको छ । जुन अघिल्लो आर्थिक वर्षको तुलनामा १६.२५ प्रतिशतले धेरैले हो । बुटवल पावर कम्पनीले अघिल्लो आर्थिक वर्षको सोहि अवधिमा १९ करोड ३८ लाख रुपैयाँ मात्र खुद नाफा आर्जन गरेको थियो ।

त्यस्तै, कम्पनीको विद्युत बिक्री आम्दानी पनि १०.७६ प्रतिशत बढेर ४६ करोड ४० लाख रुपैयाँ पुगेको छ । विद्युत बिक्री आम्दानी बढ्दा कम्पनीको नाफा बढेको हो ।

कम्पनीको कुल नाफा १८.६५ प्रतिशत बढेर २५ करोड ८० लाख रुपैयाँ पुगेको छ । गत आर्थिक वर्षमा यस्तो नाफा २१ करोड ७५ लाख रुपैयाँ रहेको थियो । त्यसैगरी, कम्पनीको सञ्चालन मुनाफा पनि २०. २२ प्रतिशत बढेको छ । कम्पनीको वित्तीय खर्च भने ३८ लाख ८ हजार रुपैयाँबाट बढेर १ करोड १७ लाख २१ हजार रुपैयाँ पुगेको छ ।

नाफासँगै कम्पनीको प्रतिसेयर आम्दानी (ईपीएस) पनि बढेको छ । समीक्षा अवधिमा कम्पनीको प्रतिसेयर आम्दानी १ रुपैयाँ ८५ पैसा बढेर १३ रुपैयाँ २२ पैसा पुगेको छ । पुस मसान्तसम्ममा कम्पनीको प्रतिसेयर नेटवर्थ २०८ रुपैयाँ ४० पैसा रहेको छ भने मूल्य आम्दानी अनुपात ५९. ४५ गुणा रहेको छ।