काठमाडौँ – निर्धन उत्थान लघुवित्त वित्तीय संस्थाको धरानस्थित पाँचकन्या शाखाले मृतक परिवारका सदस्यलाई बीमा रकम प्रदान गरेको छ । लालिगुँरास चोकमा गठन भएको लालिगुराँस महिला स्वावलम्बी समुहकी सदस्य संचमाया तामाङलाई श्रीमान अम्बर बहादुर तामाङको मृत्यू बापतको रकम प्रदान गरिएको हो । पाँचकन्या शाखाका प्रमुख टिकाराम गिरीले तामाङलाई क्षतिपूर्ति बापतको १४ हजार रुपैयाँ हस्तान्तरण गरेका हुन् ।

संस्थाका अनूसार समुहका सदस्यले कर्जा लिए बापत सदस्यको कालगतीमा मृत्यू भए बापत १३० प्रतिशत र दुर्घटनामा मृत्यू भए बापत २०० प्रतिशत क्षतिपूर्ति रकम पाउँछन् । त्यस्तै, सदस्यको श्रीमानको मृत्यु भएमा १४ हजार रुपैयाँ दिने व्यवस्था रहेको छ ।