नयाँ दिल्ली । दक्षिण कोरियाली विद्युतीय सामाग्री उत्पादन गर्ने कम्पनी सामसुङ भारतमा रहेका ठूला विदेशी कम्पनीहरुमध्ये लक्ष्य भन्दा धेरै लगानी गर्ने तथा लक्ष्य हाँसील गर्ने एकमात्र कम्पनी बनेको छ । भारतमा रहेका ठूला १६ विदेशी कम्पनीमध्ये सामसुङ लक्ष्य भन्दा बढी सफलता हाँसील गर्ने एकमात्र कम्पनी बनेको छ । उक्त लक्ष्यले सामसुङ भारतीय सरकारले ल्याएको उत्पदान प्रोत्साहन योजना अन्तर्गत विभिन्न सुविधा पाउँने कम्पनीमा सुचिकृत भएको छ ।
सामसुङले सरकारी मापदण्ड पुरा गर्दै लक्ष्य भन्दा धेरै सफलता हाँसील गरेसंगै भारतमा रहेका एप्पलको सामान निर्माण गर्ने जिम्मेवारी पाएका कम्पनीहरु फोक्सकन र विस्ट्रोन, ओप्टिमस, डिक्सन, लाभा, भगवती, यूटीएल, सहस्रा, एटीएन्डएस र नियोलिन्कलगायत अन्य ह्यान्डसेट निर्माताहरूले करोडौंको प्रोत्साहन खर्च गुमाउन सक्ने जनाइएको छ । तरपनि भारतीय सरकारी अधिकारीले यस विषयमा अन्तिम निर्णय भने लिइ नसकेको जनाइएको छ ।
