ढाका । भारतीय प्रधानमन्त्री नरेन्द्र मोदीले बंगलादेशमा रहेको जेश्वरेश्वरी मन्दिरमा सामुदायिक हल निर्माणका लागि भारतले सहयोग गर्ने बताएका छन् । जेश्‍वरेश्वरी मन्दिरमा दर्शन गरेपछि प्रधानमन्त्री मोदीले भारत सरकारले बंगलादेशको सतखीरा जिल्लाको ईश्वरीस्थित जेश्वरेश्वरी काली मन्दिरमा बहुउद्देश्यीय सामुदायिक हल निर्माणको काम गर्ने प्रतिबद्धता व्यक्त गरेका हुन् ।

प्रधानमन्त्री मोदीले बंगलादेश भ्रमणको दोस्रो दिनमा भारत र छिमेकी देशहरूमा छरिएका ५१ शक्ति पीठमध्ये एक जसोलेश्वरी काली मन्दिरको पूजा गरेका हुन् । ‘आज, मैले यस काली पीठको दर्शन गर्ने अवसरा पाएको छु । मां कालीलाई नमन छ । मैले उनलाई मानव जातिलाई कोभिड-१९बाट मुक्त गर्न प्रार्थना गरें,’ प्रधानमन्त्री मोदीले काली मन्दिरमा प्रार्थना गरेपछि एएनआईलाई भने । प्रधानमन्त्री मोदीले मा कालीलाई हातले बनाइएको मुकुटसमेत पहिराएका थिए । भारतीय विदेश मन्त्रालयका प्रवक्ता अरनदाम बक्छीले चाँदी र सुनको जलप लगाइएको मुकुट पहिराएको जानकारी दिएका हुन् ।