वासिङ्गटन । पाकिस्तानमा प्रेसमाथि नियन्त्रणले अभिव्याक्ति स्वतन्त्रतामा अंकुस लगाउने काम भएको अमेरिकी विदेशमन्त्री एन्टोनी ब्लिन्कनले टिपप्णी गरेका छन् । पाकिस्तानमा प्रेस तथा नागरिक समाजमाथि नियन्त्रणबारे अमेरिकी विदेशमन्त्री ब्लिन्कनले चिन्ता व्यक्त गरेका छन् । पाकिस्तानमा प्रेसमाथि नियन्त्रण गर्ने तर पत्रकारहरुमाथि आक्रमण तथा बेपत्ता बनाउने घटनामाथि सरकार उत्तरदायी हुन नसकेको ब्लिन्कनले टिप्पणी गरेका छन् ।
पाकिस्तानमा मानव अधिकार अभ्यास सम्बन्धि रिपोर्टहरुका अनुसार राजनीतिक दल तथा सुरक्षा बलकै पक्षबाट मिडिया, पत्रकार र उनका परिवारहरुमा हिंसा हुने गरेको घटना पाइएको विदेशमन्त्री ब्लिन्कनले बताएका छन् । अमेरिकाको खुला तथा इमान्दार संलग्नताका कारण पाकिस्तानसँग प्रेस स्वतन्त्रता, कानुनी शासन, धार्मिक स्वतन्त्रता र समग्र मानव अधिकारबारे छलफल हुने गरेको उनले बताएका छन् । पाकिस्तानी अधिकारीहरुसँगको वार्तामा अमेरिकाले प्रेस स्वतन्त्रताको बिषय उठाउने गरेको ब्लिन्कनले बताए ।
पाकिस्तानमा अभिव्याक्ति स्वतन्त्रतामाथि नियन्त्रण कायम राख्न सेना र अन्तर गुप्तचर निकायहरुको निशाना नै पत्रकार तथा मिडिया हुने गरेको उनले बताए । गत बर्ष अक्टोबरमा इयु क्रोनिकलको रिपोर्ट अनुसार पाकिस्तानमा प्रधानमन्त्री इमरान खान शक्तामा आएपछि स्वतन्त्र पत्रकारितामाथि असहिष्णुता थप बृद्धि भइरहेको छ । पाकिस्तानमा प्रेस तथा अभिव्याक्ति स्वतन्त्रतामाथि अंकुस लगाउने गरेको भन्दै विभिन्न निकायहरुले चिन्ता व्याक्त गर्दै आएका छन् ।
