श्रीनगर । भारतको काश्मीर विश्वविधालयले भर्चुअल रुपमा ट्यालेन्ट हन्ट कार्यक्रम आयोजना गरेको छ । जम्मु काश्मीरस्थित काश्मीर विश्वविधालयले अज्मत ए रमादान उल मुबारक शिर्षक ट्यालेन्ट हन्ट कार्यक्रम भर्चुअल रुपमा आयोजना गरेको हो ।
विश्वविधालयका छात्रवासले उक्त कार्यक्रम आयोजना गरेको हो । यसअघि पनि छात्रवासमा सिकाईको वातावरणलाई जीवन्त राख्ने उद्देश्यले आयोजना हुँदै आएको कार्यक्रम अनलाइन मार्फत सम्पन्न भएको हो । कार्यक्रममा प्रमुख अतिथिको रुपमा विश्वविधालयका रजिष्ट्रार डा.निसार अहमद मीर र प्रोफेसर शोकत ए शाह सम्मानित अतिथिको रुपमा उपस्थित थिए ।
प्रमुख अतिथि डा. निसारले पवित्र रमादान पर्वबारे वक्तव्य दिएका छन् । उनले छात्रवास र विद्यार्थी विकासका लागि विश्वविधालयले सदैव सहायता गर्ने भन्दै सक्रिय रुपमा यस्ता कार्यक्रममा भाग लिन विद्यार्थीहरुलाई आग्रह गरे ।