काठमाडौँ ६ भदौ । 
पहिचानसहितको संघीयता र संघीयता सहितको संबिधानको माग गर्दै आदिवासी जनजाति महासंघले आज र भोलि बन्द आव्हान गरेको छ । बन्दका कारण अन्य दिनको तुलनामा सडकमा कम सवारीसाधन चलेका छन् ।

तर बन्दको प्रभाव भने सामान्य देखिएको छ । उपत्यकाका अधिकांश ठाउमा सार्वजनिक सवारीहरु टेम्पो, ट्याक्सी, बस, माइक्रोबसहरु चलिरहेका छन् भने मोटरसाइकलहरु सदा झैँ बाक्लै रुपमा चलिरहेका छन् । पसल बजार पनि सामान्य खुलेका छन् । सडक र चोकहरुमा प्रहरीहरुको बाक्लो उपस्थित रहेको छ ।

जबरजस्ती बन्द गराउँदै हिडेका ४ दर्जन भन्दा बढीलाई कलङ्की, बालाजु, सातदोबाटो लगायतका ठाउबाट प्रहरीले पक्राउ गरेको छ । यसैबीच महासंघका अध्यक्ष तथा सभासद नगेन्द्र कुमालले बन्द कुनै पनि हालतमा फिर्ता नहुने जानकारी दिए ।