वीरगन्ज ११ भदौ मधेसलाई नेपालबाट टुक्राएर अलग्गै राज्य बनाउने अभियान चलाइ रहेका सिके राउतलाई सरकारले संविधान घोषणा नभएसम्म उनकै घरमा नजरबन्दमा राख्ने भएको छ । 

राज्यद्रोहको मुद्धामा बैशाख १० गते सर्वोच्चबाट सफाई पाएका राउतलाई सुरक्षा संबेदनशिलताका कारण नजरबन्दमा राखिएको उच्च सुरक्षा स्रोतले जानकारी दिएको छ । राउतले भने– ‘मैले सर्वोच्चबाट बैशाख १० मा सफाई पाएर आए लगत्तै केही समय कडा निगरानीमा थिए तर भूकम्पपछि मलाई घरमै नजरबन्द राखिएको छ ।

 यो बीच मलाई बाहिर जिल्लाहरुमा जान रोक लगाईएको छ ।’ गृहसचिव सूर्यप्रसाद सिलवालले राउतलाई नजरबन्दमा नराखिएको तर उनकै सुरक्षालाई मध्यनजर गर्दै सर्तकता अपनाईएको बताए । साथै उनले राज्यविद्रोहको र राज्यको सार्वभौमिकतामा असर पर्ने कुनै पनि गतिविधि गरेमा पक्राउ गर्न सकिने जनाए । राजबिराज ९ स्थित राजदेवी टोलमा आफ्नै घरमा नजरबन्द रहेका उनलाई सरकारले संविधान घोषणा नभएसम्म घरबाट बाहिर जान नदिने योजना सरकारको रहेको सुरक्षा स्रोतले जनाएको छ । स्रोतका अनुसार उनलाई घरमा गरिएको नजरबन्द