×

Live on

रेडियो अर्थ सरोकार

Listen to live radio.

मूख्यमन्त्री, केन्द्रीय स्वास्थ्यमन्त्री सहभागी कार्यक्रममै बाँडिएको पानीको बोटलमा सर्प

GLOBAL IME BANK

मूख्यमन्त्री, केन्द्रीय स्वास्थ्यमन्त्री सहभागी कार्यक्रममै बाँडिएको पानीको बोटलमा सर्प

२४ भाद्र २०७२, बिहीबार

पढ्न लाग्ने समय: १ मिनेटभन्दा कम

छत्तीसगढ, भदौ २४ । भारतको छत्तीसगढ राज्यमा मूख्यमन्त्री रमन सिंह र केन्द्रीय स्वास्थ्यमन्त्री जेपी लड्डा सहभागी एक कार्यक्रममा बाँडिएको पानीको बोटलमा सर्पको बच्चा फेला परेको छ ।

शिलबन्दी पानीको बोटलमा सर्पको बच्चा भेटिएको विषयमा छानविन गर्न खाद्य सुरक्षा विभागले निर्देशन दिएको छ ।

समाचार एजेन्सीहरुका अनुसार बुधबार छत्तीसगढको प्रादेशिक राजधानी रायपुरमा भारतीय जनता पार्टीको कार्यालयमा एक कार्यक्रम आयोजना भएको थियो । सो कार्यक्रममा ठूलो संख्यामा पार्टीका विधायक र मन्त्री सहभागी थिए ।

मूख्यमन्त्रीको मेडिकल स्टाफ डा. पुनम पाण्डेलाई दिइएको बोटलको पानीमा सर्पको बच्चा पाइएको हो । सो घटना लगत्तै कार्यक्रममा वितरीत सबै बोटल फिर्ता लिइएको थियो ।

सो घटनाका बारेमा मूख्यमन्त्री र केन्द्रीय स्वास्थ्य मन्त्रीले कुनै प्रतिक्रिया दिएका छैनन् ।

पानी निर्माता कम्पनी अमन अक्वाका प्रवन्ध निर्देशक शैयद शफिकले भने यसमा कम्पनी दोषी नरहेको बताएका छन् । उनले आफ्नो कम्पनीविरुद्ध कसैले षडयन्त्र गरेको आरोप लगाएका छन् । उनले भने, ‘यो एक षडयन्त्र हो ।’ उनले आफ्नो परिवार भारतीय जनता पार्टीसँग निकट रहेका कारण पनि बद्नाम गर्नका लागि कसैले यस्तो षडयन्त्र रचेको हुन सक्ने बताए । (एजेन्सी)

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: