जनकपुर । मधेश आन्दोलनको पक्षमा समर्थन गर्न जनकपुर जान लागेका एमाओवादीका नेता बाबुराम भट्टराईलाइ संयुक्त लोकतान्त्रिक मोर्चाका प्रवक्ता संजयकुमार सिंहले जनकपुरमा भट्टराईलाई निषेध गरिएको बताएका छन् ।
मधेस आन्दोलनको समर्थनमा मधेसी नेताहरु रामचन्द्र झा, रामकुमार शर्मा र प्रभु शाहको साथमा जान लागेका भट्टराईलाई मोर्चाले संविधानमा हस्ताक्षर गरेका भन्दै ढोगं देखाउन मधेश नआउन भनेको हो ।
प्रवक्ता सिंहले भट्टराईले दोहोरो चरित्र देखाउन खोजेको समेत आरोप लगाएका छन् । भट्टराईले पार्टी छोडेर आएमा मात्रै जनकपुरले स्वागत गर्ने बताए ।
राजनीतिक संवाद तथा सहमति समितिबाट संविधानमा र संविधानमा समेत हस्ताक्षर गर्ने तर यता आएर आन्दोलनमा पनि छु भनेर दोहोरो चरित्र देखाएको भन्दै सबै पार्टी शिर्ष नेताहरुसमेत भट्टराईसँग चिढिएका छन् ।
