बंगलादेशमा एमबीबीएस अध्यनरत धादिङका राम थापा क्षेत्रीले शुक्रबार फेसबुकमा लेखे, ‘कान्तिपुर सम्पादक सुधिर शर्मा, एमाओवादी नेता डा. बाबुराम भट्टराई अनि मधेसको नाम बेचेर हिंसा गर्ने नेताहरु विदेशी एजेन्ट हुन् । यिनीहरुलाई देश निकाला गरियोस् ।’
सामाजिक सञ्जालहरुमा यस्ता असन्तुष्टि पोखिनु सामान्य नै हो, यसलाई पनि स्वभाविक रुपमै लिऔं । तर, त्यसमा आएको एउटा प्रतिक्रियाले भने धेरै अर्थ बोकेको छ । प्रतिक्रिया दिने पात्र हुन्, ‘राहुल महरा’ । अझै नजिकबाट चिन्न चाहनुहुन्छ भने, उनी एमाओवादी महासचिव कृष्णबहादुर महराका सुपुत्र एवम् एमाओवादीका बहालवाला जिल्ला समिति सदस्य ।
उनले थापाको स्टाटसमा प्रतिक्रिया दिए, ‘तुरुन्त देश निकाला गरियोस् ।’ मतलब थापाले स्टाटसमा नाम उद्धृत गरेका व्यक्तिहरुलाई देश निकाला गरियोस् भन्ने उनको पनि माग रहेको देखियो ।
