केबल नेट सेवा प्रदायक संस्था वल्डलिंक प्रा.लि.ले आप्mनो स्थापना कालको २० औँ बर्ष पुगेको अबसरमा नयाँ ग्राहकका लागि विशेष योजना सार्वजनिक गरेको छ । योजना अनुसार वल्डलिङकको नया जडान शुल्कमा ग्राहकले सुविधा पाउने जनाएको छ । बल्डलिंकको नेट जडान गर्दा लाग्दै आएको जडान शुल्क अब २० रुपैयामा मात्र तिरे पुग्ने भएको छ । यो योजना २० दिन सम्म रहने अर्थात योजना सार्वजनिक गरेपछि नयाँ जडान गर्ने ग्राहकको संख्या २ हजार पुगेपछि योजना सकिने छ । वल्डलिंकले अप्टिकल फाइबरमार्पत द्रुत गतिको नेट प्रदान गर्दै आएको छ ।