×

Live on

रेडियो अर्थ सरोकार

Listen to live radio.

पत्नी र छोरालाई दुई वर्षदेखि कुकुरको खाना दिएर थुन्दै आएका निर्दयी पक्राउ

GLOBAL IME BANK

पत्नी र छोरालाई दुई वर्षदेखि कुकुरको खाना दिएर थुन्दै आएका निर्दयी पक्राउ

२० भाद्र २०७२, आईतवार

पढ्न लाग्ने समय: १ मिनेटभन्दा कम

मानसिक रुपमा बिरामी पत्नी र वयस्क छोरालाई कम्तीमा दुई वर्षदेखि अँध्यारो कोठामा थुनेर राख्दै आएको आरोपमा अर्जेन्टिनामा एकजना पक्राउ परेका छन् ।

एपी समाचार एजेन्सीका अनुसार मार डेल प्लाटा शहर निवासी ६६ वर्षीय एडुआर्डो ओभीडोले आफ्नै ६१ वर्षीय पत्नी र छोरालाई अँध्यारो कोठामा थुनेर राख्दै आएका थिए । उनले कुकुरलाई दिइनेजस्तै खाना खुवाएर पत्नी र छोरालाई दुई वर्षदेखि राख्दै आएको जनाइएको छ ।

अभियोजनकर्ता अलेजान्द्रो पेलिग्रिनीका अनुसार ओभीडोका ३२ वर्षीय छोरा ‘अटिज्म’ रोगबाट ग्रसित छन् ।

उनीहरुलाई फलामे ढोका भएको एक अँध्यारो कोठामा थुनेर राखिएको थियो । उक्त कोठा पिँजडासरह रहेको बताइन्छ ।

प्रहरीले सो कोठाबाट सिरिन्ज, डोरी, फलामे साङ्लो र कुकुरको खानासमेत बरामद गरेको छ ।

ओभीडोका अन्य दुई छोराले दिएको उजुरीका आधारमा प्रहरीले कारवाही अघि बढाएको हो ।

ओभीडोलाई अदालतमा पेश गरिएको प्रहरी अधिकारीहरुले जनाएका छन् । यद्यपी उनले उक्त घटनाबारे कुनै टिप्पणी नगरेको जनाइएको छ । (एजेन्सी)

Hamro Parto AD
NMB BANK
TRITON COLLEGE

प्रतिक्रिया दिनुहोस्

सिफारिस: