नेपालमा संविधान घोषणा भएको एक घण्टा बित्न नपाउदै छिमेकी मुलुक भारतले एक विज्ञप्ती जारी गदैं स्वागतको साटो असन्तुष्टि जनाएको छ । भारतीय विदेश मन्त्रालयद्वारा आइतबार साँझ जारी विज्ञप्तिमा संविधानको स्वागत नगरि केवल औपचारकीकता मात्र पुरा गरेको छ ।
विज्ञप्तिमा भनिएको छ,‘नयाँ संविधानले देशमा सद्भाव, प्रगति र विकासको आधारशिला खडा गर्ने छ ।’विज्ञप्तीमा तराई–मधेसमा आन्दोलनरत दललाई सहमतिमा नल्याई संविधान जारी गरेपछि भारतले असन्तुष्टि जनाएको जानकार स्रोतको भनाई छ ।
‘संविधान निर्माणको प्रक्रियामा संघीय, लोकतान्त्रिक गणतन्त्रात्मक र समावेशी संविधान बनाउन भारतले निरन्तर सहयोग गरिरहेको थियो । तर, त्यसो भएन् ।’ जारी विज्ञप्तीमा उल्लेख छ, भारतसँग सीमाना जोडिएका नेपालका विभिन्न भागमा हिंसात्मक घटना भइरहेको छ ।’
विवादित विषयलाई वार्ताका माध्यमबाट समाधान गर्नु पर्छ भन्ने आफ्नो मान्यता रहेको बताउँदै भारतले सबैले संविधानलाई स्वीकार र अपनत्व महसुस गरेमा संविधानले सदभाव, प्रगति र विकासको आधारशिला खडा गर्ने जनाएको छ ।
संविधान जारी भए लगत्तै भारतले निकालेको विज्ञप्ति र भारतको प्रधानमन्त्रीको विशेष दुत तथा भारतीय विदेश मन्त्रालयका सचिव एस जयशङ्कर को भ्रमणलाई अर्थपूर्ण रुपमा हेरीएको छ ।
