एजेन्सी । एप्पलले बुधबार अमेरिकाको सनफ्रान्सिस्कोमा आइफोन सिक्स एस र सिक्स एस प्लसहित केही ग्याजेट्सहरु लन्च गरेको छ ।
संसारकै सबैभन्दा ठूलो टेक्निकल कम्पनी एप्पलले अब आफ्ना प्लास्टिक बडी भएका आइफोन फाइभ सी नबनाउने भएको छ । यससँगै एप्पलले अब बजारमा फाएभ एस, सिक्स र सिक्स प्लसको मूल्य पनि घटाएको छ ।अब यो एप्पलको फाइभ एस, सिक्स र सिक्स प्लसको गोल्ड कलरवाला मोबाइल वेबसाईटमा समेत भेटिने छैन । आइफोनका प्रयोगकर्ताले अब सिल्भर र स्पेस ग्रे रंगमा यी स्मार्टफोन खरिद गर्न सक्नेछन् ।
तर बुधबार लन्च भएको पछिल्लो आइफोन सिक्स एस र सिक्स एस प्लस भने सिल्भर, स्पेस ग्रे, गोल्ड र रोड गोल्ड कलरमा बजारमा उपलब्ध हुनेछन् ।
यसको मतलब गोल्ड कलर चाहनेहरुले अब मात्र सिक्स एस र सिक्स एस प्लस किन्ने अप्सन बाँकी छ । यो नयाँ महंगो उत्पादन बेच्ने कम्पनीको मार्केटिङ रणनीति हुनसक्छ ।
एप्पलको पुरानो आइफोन फाइभ एस, आइफोन सिक्स र सिक्स प्लसको मूल्य समेत घटाएको छ । एप्पलले तीनवटै मोडलको १ सय अमेरिकी डलर कटौती गरेको हो ।
आइफोन सिक्स एस र सिक्स एस प्लसको अर्डर अमेरिकामा सेप्टेम्बर १२ देखि सुरु हुँदैछ । केही देशमा २५ सेप्टेम्बरमा सुरु हुनेछ ।
आइआइफोन सिक्स एसको मूल्य दुई वर्षको कन्ट्याक्टसहित १९९ अमेरिकी डलर र सिक्स प्लसको मूल्य दुई वर्षको कन्ट्याक्टसहित २९९ अमेरिकी डलर हुने अनुमान गरिएको छ । यसवर्षको अन्त्य सम्ममा आइफोन १३० देशमा उपलब्ध हुने जनाइएको छ ।
